ભારતીય ક્રિકેટ ટીમના કેપ્ટન રોહિત શર્માએ ICC Men’s ODI રેન્કિંગમાં મોટી છલાંગ લગાવી છે. રોહિત શર્માએ ODI World Cup 2023ની ત્રણ મેચમાં 131, 86 અને 55 રનની શાનદાર ઇનિંગ રમી હતી. જેથી તેને રેન્કિંગમાં લાભ મળ્યો છે. તે ICC Men’s ODI રેન્કિંગમાં 6 નંબરે આવી ગયો છે. જયારે વિરાટ કોહલી 8મા નંબરે અને શુભમન ગિલ બીજા નંબર પર છે.

ગિલ બાબરને પાછળ છોડી નંબર 1 બની શકે

સાઉથ આફ્રિકાના વિકેટકીપર બેટ્સમેન ક્વિન્ટન ડી કોકે જોરદાર છલાંગ લગાવીને ત્રીજા નંબર પર કબજો કર્યો છે. જયારે નંબર 4 પર રાસી વાન ડર ડુસેન અને પાંચમાં નંબર પર આયરલેંડનો ખેલાડી હેરી ટેકટર છે. પાકિસ્તાનની કેપ્ટન બાબર આઝમ લિસ્ટમાં 836 રેટિંગ સાથે ટોપ પર છે. જયારે શુભમન ગિલ 818 રેટિંગ સાથે બીજા નંબર પર છે. ODI World Cup 2023માં ગિલ બાબરને પાછળ છોડી નંબર 1 બની શકે છે. આ ઉપરાંત ડેવિડ વોર્નર સાતમાં સ્થાને છે જયારે 10મા નંબર પર પાકિસ્તાની બેટ્સમેન ઈમામ ઉલ હક છે.

બોલર્સમાં ટોપ-10માં બે ભારતીય સામેલ

મોહમ્મદ સિરાજ અને કુલદીપ યાદવ ODI બોલિંગ રેન્કિંગમાં ટોપ-10માં બે ભારતીય બોલર છે. સિરાજ 656 રેટિંગ સાથે ત્રીજા સ્થાને અને કુલદીપ 641 રેટિંગ સાથે આઠમા સ્થાને છે. રેન્કિંગમાં ઓસ્ટ્રેલિયાના જોશ હેઝલવુડ 660 રેટિંગ સાથે નંબર વન પર છે. આ સિવાય ન્યુઝીલેન્ડનો ટ્રેન્ટ બોલ્ટ 659 રેટિંગ સાથે બીજા સ્થાને છે. જ્યારે લિસ્ટમાં અફઘાનિસ્તાનનો રાશિદ ખાન ચોથા નંબરે અને મુજીબ ઉર રહેમાન પાંચમા નંબરે છે.