ભારત વિકાસ પરિષદ અંજાર શાખાને 10 વર્ષ થતા દશાબ્દી વર્ષની ઉજવણી અંતર્ગત શ્રી બિદડા સર્વોદય ટ્રસ્ટના સહયોગથી અંજાર શહેર-તાલુકાની શાળાના ધોરણ 4થી 12ના વિદ્યાર્થીઓ માટે મેડિકલ કેમ્પનું આયોજન કરવામાં આવેલ છે. તારીખ 15 ડિસેમ્બરથી 25 ડિસેમ્બર 2023. એમ 11 દિવસીય કેમ્પ યોજાશે, અંજાર અને તાલુકાની કુલ 74 શાળાઓના 15000 વિદ્યાર્થીઓને લાભ મળશે.

ભારત વિકાસ પરિષદના કાર્યકરોના છેલ્લા 4 મહિનાથી અથાગ પરિશ્રમના પરિણામ સ્વરૂપે આ મહાસેવા યજ્ઞની શરૂઆત થશે. અંજારની સ્વામી વિવેકાનંદ વિદ્યાલય પરિસરમાં આવેલ અંગ્રેજી માધ્યમની શાળાના રોગોને નવું સ્વરૂપ આપી હંગામી હોસ્પિટલ ઊભી કરવામાં આવેલ છે. આ કેમ્પને સફળ બનાવવા માટે કચ્છના વિવિધ ઉદ્યોગ ગૃહો શ્રેષ્ઠિઓ તથા ધાર્મિક સંસ્થાઓએ આર્થિક અને અન્ય સહયોગ પ્રાપ્ત થયેલ છે.

કેમ્પમાં દાંત, નાક-કાન-ગળાના રોગ, ચામડીના રોગ, આંખના રોગ, પેશાબ માર્ગ રોગ, સ્ત્રી રોગ હાથ- પગ અને કમરની ખોટ ખંપણ, હૃદય રોગ તથા સંપૂર્ણ જનરલ તપાસ તેમ 11 પ્રકારના નિદાન થશે. તેના માટે 110 નિષ્ણાંત તબીબો તેની ટીમ સાથે 40 વોલીન્ટર્સ માનસસેવા આપશે. આ તમામ તબીબો અમેરિકા, મુંબઈ, દિલ્હી, વડોદરા, નડિયાદ, ભુજ વગેરે શહેરોથી સેવા યજ્ઞમાં પોતાનો અમૂલ્ય યોગદાન આપશે.

કેમ્પની તમામ મેડિકલ સુવિધા બિદડા સર્વોદય ટ્રસ્ટ દ્વારા આપવામાં આવી રહી છે. બાળકોને વધુ સરવારની જરૂર પડે તો આ બિદડા સર્વોદય ટ્રસ્ટ દ્વારા અમદાવાદ, મુંબઈ નડિયાદ વગેરે વિવિધ હોસ્પિટલોમાં રિફર કરી સંપૂર્ણ સારવાર સંસ્થાના ખર્ચે કરવામાં આવશે.

કેમ્પને સફળ બનાવવા માટે અંજાર નગરપાલિકા, નગરપાલિકા શિક્ષણ સમિતિ, તાલુકા શિક્ષણ મંડળ તથા વિવિધ શાળાઓના આચાર્યો- શિક્ષકોએ અમૂલ્ય સહયોગ દ્વારા મૂળ સહયોગ પ્રાપ્ત થયેલ છે. અંજાર શહેરમાં અત્યાર સુધીનો સૌથી મોટો વિદ્યાર્થીઓ માટેનો પ્રથમ મેડિકલ કેમ્પ જે પરિણામ લક્ષી રહેશે. તે ઐતિહાસિક બની રહેશે.

કેમ્પ માટે ભારત વિકાસ પરિષદના પ્રમુખ પરેશ દેત્રોજા, મંત્રી પરેશ સોની, જતીન પારેખ જ્યારે બિદડા સર્વોદય ટ્રસ્ટ વતી ચેરમેન વિજય છેડા પ્રોજેક્ટ ચેરમેન ગીરીશ શાહ પ્રોજેક્ટ કોઓર્ડીનેટર દેવચંદ ફુરીયા તથા બન્ને સંસ્થાના સર્વે હોદેદારો- સભ્યોએ જહેમત ઉઠાવી છે.