ઇન્ડિયન પ્રીમિયર લીગ (IPL)ની 17મી સિઝનનું ઓક્શન દુબઈમાં શરૂ છે. ઓસ્ટ્રેલિયાનો મિચેલ સ્ટાર્ક IPL ઈતિહાસનો સૌથી મોંઘો ખેલાડી બન્યો છે. તેને કોલકાતા નાઈટ રાઈડર્સે 24.75 કરોડ રૂપિયામાં ખરીદ્યો હતો, ગુજરાતે પણ તેના માટે અંત સુધી બોલી લગાવી હતી.

આ જ ઓક્શનામ ઓસ્ટ્રેલિયાનો પેટ કમિન્સ બપોરે 2:30 વાગ્યે 20.50 કરોડ રૂપિયામાં વેચાયો હતો. તેને સનરાઇઝર્સ હૈદરાબાદે ખરીદ્યો હતો. આ ઓક્શનમાં હર્ષલ પટેલ સૌથી મોંઘો ભારતીય ખેલાડી બન્યો હતો. તેને પંજાબ કિંગ્સે 11.75 કરોડ રૂપિયામાં ખરીદ્યો હતો.

હર્ષલ પટેલને પંજાબે 11.75 કરોડ રૂપિયામાં ખરીદ્યો, તે આ ઓક્શનમાં સૌથી મોંઘો ભારતીય ખેલાડી બન્યો. ન્યૂઝીલેન્ડના રચિન રવીન્દ્રને ચેન્નાઈ સુપર કિંગ્સે 1.80 કરોડ રૂપિયામાં ખરીદ્યો હતો.

સ્ટાર્ક માટે કોલકાતા-ગુજરાત ટકરાયા

ઓસ્ટ્રેલિયાના ઝડપી બોલર મિચેલ સ્ટાર્ક માટે મુંબઈ ઈન્ડિયન્સ અને દિલ્હી કેપિટલ્સ વચ્ચે પ્રારંભિક બિડિંગ યુદ્ધ હતું. દિલ્હીએ રૂ. 9.60 કરોડ અને મુંબઈએ રૂ. 10 કરોડ સુધીની બોલી લગાવી હતી. અહીંથી ગુજરાત ટાઇટન્સ અને કોલકાતા નાઇટ રાઇડર્સ વચ્ચે બિડિંગ યુદ્ધ હતું. આખરે કોલકાતા નાઈટ રાઈડર્સે તેને 24.75 કરોડમાં ખરીદ્યો.

શિવમ માવી 6.40 કરોડમાં વેચાયો

ભારતીય ઝડપી બોલર ઉમેશ યાદવને ગુજરાત ટાઇટન્સે 5.80 કરોડ રૂપિયામાં ખરીદ્યો હતો. તેની બેઝ પ્રાઇસ 2 કરોડ રૂપિયા હતી. 50 લાખની બેઝ પ્રાઈઝ ધરાવતા શિવમ માવીની બોલી પણ 1 કરોડને વટાવી ગઈ હતી. બેંગલુરુ અને લખનઉ વચ્ચે બોલી યુદ્ધ ચાલી રહ્યું હતું, અંતે લખનઉએ તેને 6.40 કરોડમાં ખરીદ્યો.

અલ્ઝારી જોસેફ માટે લખનઉ-બેંગલુરુમાં બિડિંગ વૉર

વેસ્ટ ઈન્ડિઝના ફાસ્ટ બોલર અલઝારી જોસેફ માટે લખનઉ સુપરજાયન્ટ્સ અને રોયલ ચેલેન્જર્સ બેંગ્લોર વચ્ચે બિડિંગ વૉર થયું હતું. 1 કરોડથી શરૂ થયેલી તેની બોલી 10 કરોડ રૂપિયાને પાર પહોંચી ગઈ હતી. તેને રોયલ ચેલેન્જર્સ બેંગ્લોરે 11.50 કરોડ રૂપિયામાં ખરીદ્યો હતો.

સેટ-4માં ચેતન સાકરિયાને કોલકાતા નાઈટ રાઈડર્સે 50 લાખ રૂપિયામાં ખરીદ્યો હતો.

સેટ-3માં માત્ર 2 ખેલાડીઓ વેચાયા

વિકેટકીપરના સેટ-3માં 5 ખેલાડીઓના નામ આવ્યા, પરંતુ માત્ર 2 જ ખરીદનાર મળ્યા. ટ્રિસ્ટન સ્ટબ્સને દિલ્હીએ 50 લાખ રૂપિયામાં ખરીદ્યો હતો. કેએસ ભરતને પણ કોલકાતાએ માત્ર 50 લાખ રૂપિયામાં ખરીદ્યો હતો. ફિલ સોલ્ટ, જોશ ઇંગ્લિસ અને કુસલ મેન્ડિસ અનસોલ્ડ રહ્યા.

કમિન્સ માટે બેંગલુરુ-હૈદરાબાદની ટક્કર

ઓસ્ટ્રેલિયાના કેપ્ટન પેટ કમિન્સ માટે ચેન્નઈ સુપર કિંગ્સ અને મુંબઈ ઈન્ડિયન્સ વચ્ચે બિડિંગ વોર શરૂ થઈ. મુંબઈએ રૂ. 2 કરોડની બેઝ પ્રાઇસ સાથે શરૂઆત કરી હતી, તેઓએ રૂ. 5 કરોડ સુધીની બોલી લગાવી હતી. અહીંથી બેંગલુરુ અને ચેન્નઈમાં બોલી યુદ્ધ થયું. બંને ટીમને કેપ્ટનની જરૂર છે. ચેન્નઈએ 10 કરોડ રૂપિયા સુધીની બોલી લગાવી. બેંગલુરુ અને હૈદરાબાદે રૂ. 20 કરોડ સુધીની બોલી લગાવી હતી. આખરે હૈદરાબાદે તેને 20.50 કરોડ રૂપિયામાં ખરીદ્યો.

પંજાબ-ચેન્નઈમાં મિચેલ માટે બિડિંગ વૉર

પંજાબ કિંગ્સ અને ચેન્નાઈ સુપર કિંગ્સ વચ્ચે ન્યૂઝીલેન્ડના બેટિંગ ઓલરાઉન્ડર ડેરીલ મિચેલ માટે બિડિંગ વૉર થયું હતું. બંને ટીમે રૂ. 12થી 13.75 કરોડની બોલી લગાવી હતી. આખરે ચેન્નઈએ મિચેલને 14 કરોડ રૂપિયામાં ખરીદ્યો હતો.

હર્ષલ સૌથી મોંઘો ભારતીય ખેલાડી

સ્લોઅર બોલ સ્પેશિયાલિસ્ટ હર્ષલ પટેલ માટે ગુજરાત ટાઇટન્સ અને પંજાબ કિંગ્સ વચ્ચે બિડિંગ યુદ્ધ હતું. ગુજરાતે રૂ. 10.75 કરોડ સુધીની બોલી લગાવી, ત્યારબાદ લખનઉ સુપરજાયન્ટ્સ પણ આવ્યું હતું. પંજાબ હજુ પણ અંત સુધી ટકી રહ્યું અને તેણે હર્ષલને 11.75 કરોડ રૂપિયામાં ખરીદ્યો. આ ઓક્શનમાં તે સૌથી મોંઘો ભારતીય ખેલાડી બન્યો હતો.

સેટ-2માં ચેન્નઈએ માત્ર રૂ. 1.80 કરોડમાં ન્યૂઝીલેન્ડના રચિન રવીન્દ્રને સામેલ કર્યો હતો. ગેરાલ્ડ કોએત્ઝી રૂ. 5 કરોડમાં મુંબઈ ઈન્ડિયન્સમાં સામેલ થયો છે.

ગેરાલ્ડ કોત્ઝી મુંબઈ, વોક્સ પંજાબ તરફથી રમશે

સેટ-2માં 9 ઓલરાઉન્ડરો પર બોલી લગાવવામાં આવી હતી, જેમાં બધાને ખરીદવામાં આવ્યા હતા. ઓસ્ટ્રેલિયાનો પેટ કમિન્સ સૌથી મોંઘો હતો, તેને હૈદરાબાદે 20.50 કરોડ રૂપિયામાં ખરીદ્યો હતો. ચેન્નઈએ ડેરીલ મિચેલને રૂ. 14 કરોડમાં, જ્યારે હર્ષલ પટેલ રૂ. 11.75 કરોડમાં પંજાબ સાથે જોડાયો હતો. આ સેટના અંતે, ગેરાલ્ડ કોત્ઝી રૂ. 5 કરોડમાં મુંબઈનો ભાગ બન્યો અને ક્રિસ વોક્સ રૂ. 4.20 કરોડમાં પંજાબનો ભાગ બન્યો છે.

રચિન 1.80 કરોડમાં અને શાર્દૂલ 4 કરોડમાં ચેન્નઈમાં સામેલ

રૂ. 50 લાખની બેઝ પ્રાઇસ ધરાવતા રચિન રવીન્દ્ર રૂ. 1.80 કરોડમાં ચેન્નાઈ સાથે જોડાયા હતા. દિલ્હીએ પણ તેના માટે બોલી લગાવી હતી. ચેન્નાઈએ સેટ-2માં શાર્દુલ ઠાકુરને પણ 4 કરોડ રૂપિયામાં ખરીદ્યો હતો. હૈદરાબાદે પણ તેના માટે બોલી લગાવી હતી.