શેરબજારમાં આજે એટલે કે 20મી જૂને ઉછાળો જોવા મળ્યો છે. સેન્સેક્સ 141 પોઈન્ટના ઉછાળા સાથે 77,478 પર બંધ રહ્યો હતો. નિફ્ટીમાં પણ 51 પોઈન્ટનો ઉછાળો જોવા મળ્યો હતો. 23,567ના સ્તરે બંધ રહ્યો હતો.

સેન્સેક્સના 30 શેરોમાંથી 16 ઘટ્યા અને 14 વધ્યા. મેટલ અને બેન્કિંગ શેર્સમાં વધુ વૃદ્ધિ જોવા મળી છે. અગાઉ ગઈકાલે એટલે કે 19 જૂનના રોજ શેરબજારે સર્વકાલીન ઉચ્ચ સ્તર બનાવ્યું હતું.

એચડીએફસી, કોટક બેંક, ટાટા મોટર્સ, એરટેલ અને રિલાયન્સ બજારને ઊપર ખેંચી રહ્યા છે. જ્યારે ICICI, સન ફાર્મા, બજાજ ફાઇનાન્સ અને પાવર ગ્રીડ બજારને ઘટાડી રહ્યા છે.

એશિયન બજારોમાં ઘટાડો જોવા મળી રહ્યો છે. જાપાનનો Nikkei 255 લગભગ 0.50% ઘટાડો છે. તેમજ, ચીનના શાંઘાઈ કમ્પોઝિટ ઈન્ડેક્સ અને હોંગકોંગના હેંગસેંગમાં ઘટાડો જોવા મળી રહ્યો છે.

વિદેશી સંસ્થાકીય રોકાણકારો (FII) એ બુધવારે ₹7,908.36 કરોડના શેર ખરીદ્યા હતા. આ દરમિયાન, ડોમેસ્ટિક ઇન્સ્ટિટ્યુશનલ ઇન્વેસ્ટર્સ (DII) એ પણ ₹7,107.80 કરોડના શેર ખરીદ્યા હતા.

DEE ડેવલપમેન્ટ એન્જિનિયર્સ લિમિટેડ અને એક્મે ફિનટ્રેડ ઈન્ડિયા લિમિટેડના IPOનો આજે બીજો દિવસ છે. રિટેલ રોકાણકારો આ IPO માટે 21 જૂન સુધી બિડ કરી શકશે. પહેલા જ દિવસે એટલે કે 19 જૂને, એક્મે ફિનટ્રેડ ઈન્ડિયા લિમિટેડનો IPO રિટેલ કેટેગરીમાં 4.28 વખત સબસ્ક્રાઇબ થયો છે અને DEE ડેવલપમેન્ટ એન્જિનિયર્સ લિમિટેડનો IPO 2.87 વખત સબસ્ક્રાઇબ થયો છે.

અગાઉ ગઈકાલે એટલે કે 19 જૂને શેરબજારે સતત બીજા દિવસે ઓલ ટાઈમ હાઈ બનાવી હતી. સેન્સેક્સ 550 પોઈન્ટના ઉછાળા સાથે 77,851ની સપાટીએ પહોંચ્યો હતો. જો કે બાદમાં તે નીચે આવ્યો હતો અને 36 પોઈન્ટના વધારા સાથે 77,337 પર બંધ રહ્યો હતો.

નિફ્ટી પણ આજે 107 પોઈન્ટના ઉછાળા સાથે 23,664ની સપાટીએ પહોંચ્યો હતો. બાદમાં તેમાં પણ ઘટાડો જોવા મળ્યો હતો અને તે 41 પોઈન્ટ ઘટીને 23,516 પર બંધ થયો હતો. આ પહેલા ગઈકાલે એટલે કે 18 જૂને પણ બજારે ઓલ ટાઈમ હાઈ પર હતું.