સોનાના ભાવમાં આજે એટલે કે 10 જુલાઈએ તેજી છે. ઈન્ડિયા બુલિયન એન્ડ જ્વેલર્સ એસોસિયેશન (IBJA)ની વેબસાઈટ અનુસાર, 24 કેરેટ સોનાનો 10 ગ્રામનો ભાવ 137 રૂપિયા વધીને 72,483 રૂપિયા થઈ ગયો છે. ગઈ કાલે તેની કિંમત 72,346 રૂપિયા પ્રતિ દસ ગ્રામ હતી.

જો કે આજે ચાંદીના ભાવમાં ઘટાડો જોવા મળી રહ્યો છે. એક કિલો ચાંદી 408 રૂપિયા ઘટીને 91,439 રૂપિયામાં વેચાઈ રહી છે. અગાઉ ચાંદીનો ભાવ રૂ. 91,847 પ્રતિ કિલો હતો. આ વર્ષે 29મી મેના રોજ ચાંદી રૂ. 94,280 ઓલ ટાઈમ હાઈ પર પહોંચી હતી.

આ વર્ષે અત્યાર સુધીમાં સોનાની કિંમત 9,131 રૂપિયા પ્રતિ 10 ગ્રામ વધી છે. વર્ષની શરૂઆતમાં તે રૂ. 63,352 પર હતો. જે હવે 72,483 રૂપિયા પ્રતિ 10 ગ્રામ પર છે. વર્ષની શરૂઆતમાં ચાંદીનો ભાવ 73,395 રૂપિયા પ્રતિ કિલો હતો. જે હવે 91,439 રૂપિયા પ્રતિ કિલો પર પહોંચી ગયો છે. એટલે કે આ વર્ષે ચાંદીમાં 18,044 રૂપિયાનો વધારો થયો છે.

HDFC સિક્યોરિટીઝના કોમોડિટી અને કરન્સી હેડ અનુજ ગુપ્તાના જણાવ્યા અનુસાર આના કારણે આગામી દિવસોમાં સોના અને ચાંદીમાં વધુ વધારો થઈ શકે છે. આ વર્ષના અંત સુધીમાં સોનું 78 હજાર રૂપિયા પ્રતિ 10 ગ્રામ સુધી જઈ શકે છે. જ્યારે ચાંદી પણ 1 લાખ રૂપિયા પ્રતિ કિલો સુધી પહોંચી શકે છે.