આજે 4 ઓક્ટોબરે સપ્તાહના છેલ્લા ટ્રેડિંગ દિવસે સેન્સેક્સ 808 પોઈન્ટના ઘટાડા સાથે 81,688 પર બંધ થયો હતો. નિફ્ટી પણ 200 પોઈન્ટ ઘટીને 25,049 ના સ્તર પર બંધ થયો.

સેન્સેક્સના 30 શેરોમાંથી 21 ઘટ્યા અને 9 વધ્યા. નિફ્ટીના 50 શેરોમાંથી 37 ઘટ્યા અને 13 વધ્યા. એનએસઈના આઈટી સેક્ટર સિવાય તમામમાં ઘટાડો જોવા મળ્યો હતો. મીડિયા સેક્ટરમાં સૌથી વધુ 2.53%નો ઘટાડો થયો છે.

એચડીએફસી બેંક, રિલાયન્સ, આઈસીઆઈસીઆઈ બેંક અને મહિન્દ્રા એન્ડ મહિન્દ્રા બજારમાં સૌથી વધુ ઘટ્યા હતા. જ્યારે ઈન્ફોસિસ, ટીસીએસ અને એક્સિસ બેન્કે બજારને ઊંચુ ખેંચ્યું હતું.

એશિયન માર્કેટમાં જાપાનનો નિક્કી 0.22% વધ્યો છે. જ્યારે હોંગકોંગનો હેંગસેંગ ઈન્ડેક્સ 2.82% અને કોરિયાનો કોસ્પી ઈન્ડેક્સ 0.31% વધ્યો હતો.

3 ઓક્ટોબરે યુએસ ડાઉ જોન્સ 0.44% ઘટીને 42,011 પર અને નાસ્ડેક 0.037% ઘટીને 17,918 પર આવી ગયો. S&P 500 પણ 0.17% ઘટીને 5,699 પર આવી ગયો.

NSEના ડેટા અનુસાર, વિદેશી રોકાણકારો (FII) એ 3 ઓક્ટોબરે ₹15,243.27 કરોડના શેર વેચ્યા હતા. આ સમયગાળા દરમિયાન, સ્થાનિક રોકાણકારો (DIIs) એ ₹12,913.96 કરોડના શેર ખરીદ્યા હતા.