રતન ટાટાના અવસાન બાદ ગ્રૂપના સૌથી મોટા સ્ટેકહોલ્ડર ‘ટાટા ટ્રસ્ટ’ની કમાન સાવકા ભાઈ નોએલ ટાટાને સોંપવામાં આવી છે. શુક્રવારે મુંબઈમાં મળેલી બેઠકમાં નોએલના નામ પર સહમતિ સધાઈ હતી.

નોએલ ટાટા તેમના પારિવારિક જોડાણો અને ગ્રૂપની કેટલીક કંપનીઓમાં સામેલગીરીને કારણે ટાટા વારસાને આગળ ધપાવવા માટે મજબૂત દાવેદાર હતા. નોએલ ટાટા પહેલાથી જ સર દોરાબજી ટાટા ટ્રસ્ટ અને સર રતન ટાટા ટ્રસ્ટના ટ્રસ્ટી છે.

નોએલ ટાટા ગ્રૂપની કંપની ટ્રેન્ટ અને વોલ્ટાસના ચેરમેન નેવલ અને સિમોન ટાટાના પુત્ર નોએલ ટ્રેન્ટ વોલ્ટાસ, ટાટા ઈન્વેસ્ટમેન્ટ્સ અને ટાટા ઈન્ટરનેશનલના ચેરમેન છે. ટાટા સ્ટીલના વાઇસ ચેરમેન અને સર રતન ટાટા ટ્રસ્ટના બોર્ડમાં પણ છે.

ટાટા ટ્રસ્ટનું મહત્વ અને કદ આ રીતે સમજી શકાય છે કે તે ટાટા ગ્રૂપની ચેરિટેબલ સંસ્થાઓનું એક ગ્રૂપ છે, જે 13 લાખ કરોડ રૂપિયાની આવક સાથે ટાટા ગ્રૂપમાં 66% હિસ્સો ધરાવે છે. આ અંતર્ગત સર દોરાબજી ટાટા ટ્રસ્ટ અને સર રતન ટાટા ટ્રસ્ટ ટાટા સન્સનો 52% હિસ્સો ધરાવે છે.

રતન ટાટાના નાના ભાઈ જીમી ટાટા મુંબઈમાં રહે છે, પરંતુ તેઓ 90ના દાયકામાં નિવૃત્ત થયા હતા. જો કે તે ટાટા સન્સની કંપનીઓમાં શેર ધરાવે છે. રતનની જેમ તેણે પણ લગ્ન નથી કર્યા અને નિવૃત્તિ બાદ તેઓ 2 બેડરૂમના ફ્લેટમાં રહે છે.

જીમી ટાટા 25 વર્ષથી વધુ સમયથી સક્રિય બિઝનેસથી દૂર રહ્યા છે. તેઓ ટાટાના નવા બિઝનેસ સાથે પણ જોડાયેલા નથી. આવી સ્થિતિમાં તેમને ટાટા ટ્રસ્ટની કમાન સોંપવામાં આવે તેવી શક્યતા ઓછી છે.