ભારતીય રેલવેની ઓનલાઈન ટિકિટ બુકિંગ સેવા પ્રદાતા IRCTCનો ચોખ્ખો નફો જુલાઈ-સપ્ટેમ્બર ક્વાર્ટરમાં વાર્ષિક ધોરણે (YoY) 4.47% વધીને રૂ. 308 કરોડ થયો છે. ગયા વર્ષે સમાન ક્વાર્ટરમાં (Q2FY23) કંપનીનો ચોખ્ખો નફો રૂ. 295 કરોડ હતો.

જ્યારે છેલ્લા ક્વાર્ટરમાં (Q1FY25) તે રૂ. 307 કરોડ હતો. IRCTC એ સોમવારે (4 નવેમ્બર) ના રોજ Q2FY25 એટલે કે નાણાકીય વર્ષ 2025 ના બીજા ક્વાર્ટરના પરિણામો જાહેર કર્યા છે.

IRCTC રેલવેમાં કેટરિંગ અને પ્રવાસન સેવાઓ પૂરી પાડે છે. કંપની 2 તેજસ ટ્રેન પણ ચલાવે છે. તેની વેબસાઇટ અને મોબાઇલ એપ દ્વારા દરરોજ 12.38 લાખ ટિકિટ બુક થાય છે. કંપની ફ્લાઇટ અને બસ ટ્રાવેલ બુકિંગની સુવિધા પણ પૂરી પાડે છે.

બીજા ક્વાર્ટરમાં IRCTCની આવક વાર્ષિક ધોરણે 7.25% વધીને રૂ. 1,064 કરોડ થઈ છે, જે ગયા વર્ષના સમાન ક્વાર્ટરમાં રૂ. 992 કરોડ હતી. જ્યારે છેલ્લા ક્વાર્ટરમાં (Q1FY25) કંપનીની આવક રૂ. 1,118 કરોડ હતી. તેનો અર્થ એ છે કે Q2FY25 માં Q1FY25 ની તુલનામાં કંપનીની આવક 4.8% ઘટી છે.

પરિણામો પહેલા, IRCTCનો શેર 2% ઘટીને રૂ. 815 પર બંધ થયો હતો. કંપનીના શેર આ વર્ષે 10% અને 6 મહિનામાં 20% ઘટ્યા છે. છેલ્લા એક વર્ષમાં IRCTCના શેરમાં 20%નો વધારો થયો છે.

નાણાકીય વર્ષ 2024-25 ના પ્રથમ ત્રિમાસિક ગાળામાં (એપ્રિલ-જૂન) ઇન્ડિયન રેલવે કેટરિંગ એન્ડ ટુરિઝમ કોર્પોરેશન લિમિટેડનો નફો ₹308 કરોડ હતો, જે વાર્ષિક ધોરણે (YoY) 32.75% વધારે છે. એક વર્ષ અગાઉના સમાન ક્વાર્ટરમાં એકીકૃત ચોખ્ખો નફો ₹232 કરોડ હતો.

કંપનીની આવક વાર્ષિક ધોરણે 11.88% વધી છે. Q1FY25માં કામગીરીમાંથી આવક ₹1,120 કરોડ હતી. એક વર્ષ અગાઉ સમાન ક્વાર્ટરમાં આવક ₹1,001 કરોડ હતી. IRCTCએ 13 ઓગસ્ટના રોજ પ્રથમ ક્વાર્ટરના પરિણામો જાહેર કર્યા હતા.

ઇન્ડિયન રેલવે કેટરિંગ એન્ડ ટુરિઝમ કોર્પોરેશન (IRCTC) એ ભારત સરકારના રેલવે મંત્રાલય હેઠળનું ‘મિની રત્ન (કેટેગરી-1)’ કેન્દ્રીય જાહેર ક્ષેત્રનું સાહસ છે. IRCTC ને 27 સપ્ટેમ્બર 1999ના રોજ ભારતીય રેલવેની શાખા તરીકે સામેલ કરવામાં આવી હતી.

તેનો ઉદ્દેશ સ્ટેશનો, ટ્રેનો અને અન્ય સ્થળોએ કેટરિંગ અને હોસ્પિટાલિટીનું સંચાલન કરવાનો છે. આ સાથે બજેટ હોટલ, સ્પેશિયલ ટૂર પેકેજ, માહિતી અને વ્યાપારી પ્રચાર અને વૈશ્વિક આરક્ષણ પ્રણાલીના વિકાસ દ્વારા સ્થાનિક અને આંતરરાષ્ટ્રીય પ્રવાસનને પ્રોત્સાહન આપવાનું છે. IRCTC ની કોર્પોરેટ ઓફિસ નવી દિલ્હીમાં આવેલી છે.