અદાણી જૂથ ઉદ્યોગોમાં સર્વગ્રાહી ગુણવત્તાને હંમેશા પ્રાધાન્ય આપતું રહ્યું છે. મુન્દ્રા પેટ્રોકેમ લિમિટેડ (MPL) માટે ગુણવત્તા એ માત્ર એક શબ્દ જ નહીં પરંતુ ટકાઉ વ્યવસાયની વ્યૂહરચનાનો પાયો છે. તાજેતરમાં MPL દ્વારા દ્વારા વર્લ્ડ ક્વોલિટી વીક 2024ની ઉત્સાહભેર ઉજવણી કરવામાં આવી હતી. જેમાં અદાણી જૂથના સર્વકાલીન ડિરેક્ટર જીત અદાણી સહિત CEO અને કર્મચારીઓએ ગુણવત્તા પ્રત્યેની પ્રતિબદ્ધતાને સ્પર્ધાત્મક અને વધુ મજબૂત બનાવવાની નેમ વ્યક્ત કરી હતી.

ગુણવત્તાના મહત્વ પર ભાર મૂકતા વૈશ્વિક ગુણવત્તા અભિયાનની ઉજવણી સાથે MPL સંસ્થાના પાયાને મજબૂત કરવા પેટ્રોકેમિકલ ક્ષેત્રની ઇન્ડસ્ટ્રીઝમાં આગળ વધવા પ્રતિબદ્ધ છે. સંસ્થાએ તમામ સ્તરે જનભાગીદારી થકી ગુણવત્તાની સંસ્કૃતિ વિકસાવવા શ્રેષ્ઠ માર્ગ અપનાવ્યો છે.  વિવિધ કાર્યક્રમોમાં કર્મચારીઓને ગુણવત્તાનું મહત્વ સમજાવતા રસપ્રદ સત્રો અને વાર્તાલાપ કરવામાં આવ્યા હતા.  

આ ઝુંબેશના “ગુણવત્તા: પ્રદર્શન માટે અનુપાલન” થીમ અંતર્ગત વિવિધ ટીઝર્સ તૈયાર કરવામાં આવ્યા હતા. સહભાગિઓના ઉત્સાહવર્ધન માટે માહિતીપ્રદ પોસ્ટરો પણ ઈનહાઉસ ડિઝાઇન કરવામાં આવ્યા હતા. ગુણવત્તા સંદેશને વધુ અસરકારક બનાવવા વિવિધ સ્પર્ધાઓનું પણ આયોજન કરવામાં આવ્યું હતું. જેમાં ગુણવત્તા જ્ઞાની – ક્વિઝ સ્પર્ધા,  ગુણવત્તા મંત્ર – સ્લોગન સ્પર્ધા, ગુણવત્તાવાળી પહેલ – ક્રોસવર્ડ સ્પર્ધા, ગુણવત્તા મિલાપ – ગુણવત્તા કનેક્ટ સત્ર વગેરેનો સમાવેશ કરવામાં આવ્યો હતો. દરેક સ્પર્ધામાં વિજેતાઓને પ્રમાણપત્ર અને વિશિષ્ટ વ્યક્તિગત ભેટોથી સન્માનિત કરવામાં આવ્યા હતા.

વૈશ્વિક સ્પર્ધાત્મકતા હાંસલ કરવા MPL હિંમત, વિશ્વાસ અને અતૂટ પ્રતિબદ્ધતા સાથે ગુણવત્તાયુકત ઉત્કૃષ્ટતા સાથે અગ્રેસર છે. ગુણવત્તા પ્રત્યેની પ્રતિબદ્ધતા વ્યક્ત કરવા માટે ગુણવત્તાયુક્ત મિલાપ સત્ર બાદ ગુણવત્તા પ્રત્યે પ્રતિબદ્ધતા દર્શાવતાં પોસ્ટર પર સૌએ “વૉલ ઑફ ક્વોલિટી” પર હસ્તાક્ષર કર્યા હતા.

મુન્દ્રા પેટ્રોકેમિકલ્સ લિમિટેડને 2021માં ગુજરાતના કચ્છ જિલ્લામાં ગ્રીનફિલ્ડ કોલ-ટુ-પીવીસી પ્લાન્ટ સ્થાપવા માટે અદાણી એન્ટરપ્રાઇઝ લિમિટેડ (AEL) ની સંપૂર્ણ માલિકીની પેટાકંપની તરીકે સામેલ કરવામાં આવી હતી.