આજે 30 ડિસેમ્બરે સપ્તાહના પ્રથમ ટ્રેડિંગ દિવસે સેન્સેક્સ 450 પોઈન્ટના ઘટાડા સાથે 78,248 પર બંધ થયો હતો. નિફ્ટી પણ 168 પોઈન્ટ ઘટીને 23,640ની સપાટીએ બંધ થયો હતો.

સેન્સેક્સના 30 શેરોમાંથી 22 ઘટ્યા અને 8માં તેજી રહી. નિફ્ટીના 50 શેરોમાંથી 38 ઘટ્યા અને 11માં તેજી રહી. તેમજ, એક શેર કોઈપણ ફેરફાર વિના બંધ થયો હતો. મીડિયા, ઓટો, મેટલ અને PSU બેન્ક સહિતના NSE સેક્ટોરલ ઈન્ડેક્સ 1% કરતા વધુના નુકસાન સાથે બંધ થયા.

એશિયન માર્કેટમાં જાપાનનો નિક્કેઈ 0.75% અને કોરિયાનો કોસ્પી 0.42% વધ્યો હતો. તે જ સમયે ચીનનો શાંઘાઈ કમ્પોઝિટ ઈન્ડેક્સ 0.089% ના ઘટાડા સાથે કારોબાર કરી રહ્યો છે.

NSE ડેટા અનુસાર, 27 ડિસેમ્બરે વિદેશી રોકાણકારો (FIIs) એ ₹1,323.29 કરોડના શેર વેચ્યા હતા. આ સમયગાળા દરમિયાન, સ્થાનિક રોકાણકારો (DIIs) એ ₹2,544.64 કરોડના શેર ખરીદ્યા હતા.

27 ડિસેમ્બરે અમેરિકાનો ડાઉ જોન્સ 0.77%ના ઘટાડા સાથે 42,992 પર બંધ થયો હતો. S&P 500 ઇન્ડેક્સ 1.11% ઘટીને 5,970 પર અને Nasdaq 1.49% ઘટીને 19,722 પર આવી ગયો.

પ્રારંભિક જાહેર ઓફર એટલે કે ઇન્ડો ફાર્મ ઇક્વિપમેન્ટ લિમિટેડનો IPO આવતીકાલે એટલે કે 31મી ડિસેમ્બરે ખુલશે. રોકાણકારો આ ઈસ્યુ માટે 2 જાન્યુઆરી સુધી બિડ કરી શકશે. 7 જાન્યુઆરીએ કંપનીના શેર બોમ્બે સ્ટોક એક્સચેન્જ (BSE) અને નેશનલ સ્ટોક એક્સચેન્જ (NSE) પર લિસ્ટ થશે.