આજે 20 જાન્યુઆરીએ સપ્તાહના પ્રથમ ટ્રેડિંગ દિવસે સેન્સેક્સ 454 પોઈન્ટની તેજી સાથે 77,073 પર બંધ થયો હતો. નિફ્ટી પણ 141 પોઈન્ટ વધીને 23,344ની સપાટીએ બંધ થયો હતો.

સેન્સેક્સના 30 શેરોમાંથી 17માં તેજી અને 13માં ઘટાડો રહ્યો હતો. નિફ્ટીના 50 શેરોમાંથી 29માં તેજી અને 21માં ઘટાડો રહ્યો હતો. જ્યારે એક શેર કોઈ ફેરફાર વગર બંધ થયો હતો. NSE સેક્ટોરલ ઇન્ડેક્સમાં, પ્રાઈવેટ બેન્કિંગ સેક્ટરમાં સૌથી વધુ 1.99%ની તેજી રહી હતી.

એશિયન માર્કેટમાં જાપાનનો નિક્કેઈ 1.29% અને કોરિયાનો કોસ્પી 0.076%ની તેજી છે. જ્યારે ચીનનો શાંઘાઈ કમ્પોઝિટ ઈન્ડેક્સ 0.45%ની તેજી સાથે કારોબાર કરી રહ્યો છે.

NSEના ડેટા અનુસાર, 17 જાન્યુઆરીએ વિદેશી રોકાણકારો (FII)એ રૂ. 3,318.06 કરોડના શેરનું વેચાણ કર્યું હતું. આ દરમિયાન સ્થાનિક રોકાણકારો (DII)એ રૂ. 2,572.88 કરોડના શેર ખરીદ્યા હતા.

17 જાન્યુઆરીએ અમેરિકાનો ડાઓ જોન્સ 0.78%ના ઉછાળા સાથે 43,487 પર બંધ થયો હતો. S&P 500 ઇન્ડેક્સ 1.00% વધીને 5,996 પર બંધ થયો. નેસ્ડેક ઇન્ડેક્સમાં 1.51%ની તેજી રહી.

સ્ટેલિયન ઇન્ડિયા ફ્લોરોકેમિકલ્સ લિમિટેડના ઈનિશિયલ પબ્લિક ઓફર એટલે કે IPO માટે બિડિંગનો આજે છેલ્લો દિવસ છે. છેલ્લા 2 ટ્રેડિંગ દિવસોમાં આ IPO કુલ 32.23 ગણો સબસ્ક્રાઇબ થયો હતો. રિટેલ કેટેગરીમાં આ ઈસ્યુ સૌથી વધુ 31.22 ગણો સબસ્ક્રાઈબ થયો. આ સાથે, તે ક્વોલિફાઇડ ઇન્સ્ટિટ્યૂશનલ બાયર્સ (QIB) કેટેગરીમાં 0.31 ગણો અને નોન-ઇન્સ્ટિટ્યુશનલ ઇન્વેસ્ટર્સ (NII) કેટેગરીમાં 77.16 ગણો સબસ્ક્રાઇબ થયો.

આ પહેલા શુક્રવારે એટલે કે 17 જાન્યુઆરીએ સેન્સેક્સ 423 પોઈન્ટ ઘટીને 76,619ના સ્તરે બંધ થયો હતો. નિફ્ટી પણ 109 પોઈન્ટ ઘટીને 23,201ના સ્તરે બંધ થયો હતો.

સેન્સેક્સના 30 શેરોમાંથી 16માં તેજી અને 14માં ઘટાડો થયો હતો. નિફ્ટીના 50 શેરોમાંથી 29માં તેજી અને 21 ડાઉન હતા. જ્યારે એક શેર કોઈ ફેરફાર વગર બંધ રહ્યો હતો. NSE સેક્ટોરલ ઇન્ડેક્સમાં ખાનગી બેન્કિંગ સેક્ટર સૌથી વધુ 2.17% ઘટ્યું હતું.