આજે એટલે કે 27 જાન્યુઆરીએ સેન્સેક્સ 824 પોઈન્ટના ઘટાડા સાથે 75,366 પર બંધ થયો હતો. તેમજ, નિફ્ટી પણ 263 પોઇન્ટ ઘટીને 22,829ના સ્તરે બંધ થયો હતો.

સેન્સેક્સના 30 શેરોમાંથી 23માં ઘટાડો અને 7માં વધારો જોવા મળ્યો હતો. આઇટી, એનર્જી અને મેટલ શેર્સમાં વધુ ઘટાડો જોવા મળ્યો હતો. જ્યારે ઓટો શેર મજબૂત રહ્યા હતા.

એશિયન માર્કેટમાં જાપાનના નિક્કેઈમાં 0.33%નો ઘટાડો જોવા મળી રહ્યો છે. જ્યારે ચીનનો શાંઘાઈ કમ્પોઝિટ ઈન્ડેક્સ 0.30% ઉપર છે. કોરિયાનું કોસ્પી આજે બંધ છે.

NSEના ડેટા અનુસાર, 24 જાન્યુઆરીએ વિદેશી રોકાણકારો (FII)એ રૂ. 2,758 કરોડના શેરનું વેચાણ કર્યું હતું. આ દરમિયાન સ્થાનિક રોકાણકારો (DII)એ રૂ. 2,402 કરોડના શેર ખરીદ્યા હતા.

24 જાન્યુઆરીએ અમેરિકાનો ડાઓ જોન્સ 0.32%ના ઘટાડા સાથે 44,424 પર બંધ થયો હતો. S&P 500 ઇન્ડેક્સ 0.29% ઘટીને 6,101 પર બંધ થયો. નાસ્ડેક ઇન્ડેક્સ 0.50% ઘટ્યો હતો.

ડૉ. અગ્રવાલની હેલ્થ કેર લિમિટેડનો ઈનિશિયલ પબ્લિક ઓફર એટલે કે IPO 29 જાન્યુઆરીએ ખુલશે. રોકાણકારો આ ઈસ્યુ માટે 31 જાન્યુઆરી સુધી બિડ કરી શકશે. કંપનીના શેર 5 ફેબ્રુઆરીએ બોમ્બે સ્ટોક એક્સચેન્જ (BSE) અને નેશનલ સ્ટોક એક્સચેન્જ (NSE) પર લિસ્ટ થશે.

અગાઉ 24 જાન્યુઆરીએ શેરબજારમાં ઘટાડો જોવા મળ્યો હતો. સેન્સેક્સ 329 પોઈન્ટના ઘટાડા સાથે 76,190 પર બંધ થયો હતો. નિફ્ટી પણ 113 પોઈન્ટ ઘટીને 23,092 ના સ્તરે બંધ થયો હતો.