શેરબજારમાં આજે એટલે કે 19મી ફેબ્રુઆરીએ ફ્લેટ ટ્રેડિંગ રહ્યું હતું. સેન્સેક્સ 28 પોઈન્ટના ઘટાડા સાથે 75,939 પર બંધ થયો હતો. નિફ્ટી પણ 12 પોઈન્ટ ઘટીને 22,932ની સપાટીએ બંધ થયો હતો. તેમજ, BSE સ્મોલકેપ 1,071 વધીને 45,455 પર બંધ થયો હતો.

સેન્સેક્સના 30 શેરોમાંથી 17 ઘટ્યા અને 13માં તેજી રહી હતી. નિફ્ટીના 50 શેરોમાંથી 25 ઘટ્યા અને 25માં તેજી રહી હતી. NSE સેક્ટોરલ ઈન્ડેક્સના આઈટી સેક્ટરમાં સૌથી વધુ 1.30%નો ઘટાડો નોંધાયો હતો.

• એશિયન બજારમાં, કોરિયાનો કોસ્પી 1.93%ની તેજી છે. હોંગકોંગનો હેંગ સેંગ 0.50% ઘટ્યો છે અને ચીનનો શાંઘાઈ કમ્પોઝિટ ઇન્ડેક્સ 0.54%ની તેજી છે.
• 18 ફેબ્રુઆરીના રોજ, વિદેશી રોકાણકારો (FII) એ 4,786.56 કરોડ રૂપિયાના શેર ખરીદ્યા હતા. આ દરમિયાન, સ્થાનિક રોકાણકારો (DII) એ પણ 3,072.19 કરોડ રૂપિયાના શેર ખરીદ્યા હતા.
• 18 ફેબ્રુઆરીના રોજ, અમેરિકાનો ડાઓ જોન્સ 0.023%ની તેજી સાથે 44,556 પર બંધ થયો. S&P 500 ઇન્ડેક્સ 0.24% વધીને 6,129 પર બંધ થયો. નેસ્ડેક 0.072% વધ્યો.

અગાઉ, ગઈકાલે એટલે કે 18 ફેબ્રુઆરીએ, સેન્સેક્સ 29 પોઈન્ટના ઘટાડા સાથે 75,967 પર બંધ થયો હતો. નિફ્ટી પણ 14 પોઈન્ટ ઘટીને 22,945 પર બંધ થયો. તેમજ, BSE સ્મોલકેપ 772 પોઈન્ટ ઘટીને 44,384 પર બંધ થયો હતો.

સેન્સેક્સના 30 શેરોમાંથી 17 શેરોમાં ઘટાડો અને 13 શેરોમાં તેજી જોવા મળી હતી. નિફ્ટીના 50 શેરોમાંથી 32 શેરમાં ઘટાડો અને 18 શેરમાં વધારો જોવા મળ્યો. NSE સેક્ટોરલ ઈન્ડેક્સમાં, કન્ઝ્યુમર ડ્યુરેબલ ,સેક્ટરમાં સૌથી વધુ 1.36%નો ઘટાડો હતો.