સપ્તાહના ત્રીજા કારોબારી દિવસે એટલે કે બુધવાર, 23 એપ્રિલના રોજ શેરબજારમાં તેજી જોવા મળી. સેન્સેક્સ 521 પોઈન્ટના વધારા સાથે 80,116 પર બંધ થયો. નિફ્ટી162 પોઈન્ટ વધીને 24,329 પર પહોંચ્યો.

સેન્સેક્સના 30 શેરોમાંથી 24 શેરોમાં તેજી જોવા મળી. HCL ટેકના ચોથા ક્વાર્ટરના પરિણામો અપેક્ષાઓ મુજબ જાહેર થયા પછી તેના શેરમાં 7.72%નો વધારો થયો. ટેક મહિન્દ્રા, ઇન્ફોસિસ અને ટાટા મોટર્સ શેરમાં 5% સુધીનો ઉછાળો જોવા મળ્યો.

નિફ્ટીના 50 શેરોમાંથી 38 શેરો વધીને બંધ થયા. NSEનો IT સેક્ટર 4.34% વધીને બંધ થયો. આ ઉપરાંત, ઓટો 2.38%, ફાર્મા 1.40%, હેલ્થકેર 1.34%, રિયલ્ટીમાં 1.38% અને મેટલમાં 0.78%ની તેજી રહી.

અમેરિકા અને ભારતે ટ્રેડ ડીલ માટેની શરતોને ફાઈનલ કરી દીધી છે. આને ટર્મ્સ ઓફ રેફરેન્સ (ToRs) કહેવામાં આવે છે. યુએસ વાઇસ પ્રેસિડેન્ટ જેડી વેન્સે ગઈકાલે એટલે કે, મંગળવાર 22 એપ્રિલે જયપુરમાં રાજસ્થાન ઇન્ટરનેશનલ સેન્ટરમાં એક કાર્યક્રમમાં આ માહિતી આપી હતી.

જેડી વેન્સે કહ્યું, “મારું માનવું છે કે રાષ્ટ્રપતિ ટ્રમ્પ અને વડાપ્રધાન મોદીના વિઝનને સાકાર કરવા તરફ આ એક મહત્વપૂર્ણ પગલું છે. તે ફાઈનલ ડીલ માટે એક રોડમેપ તૈયાર કરશે.”

• 22 એપ્રિલના રોજ, યુએસ ડાઉ જોન્સ 1,017 પોઈન્ટ (2.66%), નેસ્ડેક કમ્પોઝિટ 430 પોઈન્ટ (2.71%) અને S&P 500 ઇન્ડેક્સ 130 પોઈન્ટ (2.51%) વધીને બંધ થયો.
• એશિયન બજારોમાં, જાપાનનો નિક્કેઈ 588 પોઈન્ટ (1.72%) ઘટીને 34,809 પર છે. કોરિયાનો કોસ્પી 35 પોઈન્ટ (1.40%) વધીને 2521 પર ટ્રેડ કરી રહ્યો.
• ચીનનો શાંઘાઈ કમ્પોઝિટ 0.027% વધીને 3,300 પર ટ્રેડ કરી રહ્યો છે. હોંગકોંગનો હેંગ સેંગ ઇન્ડેક્સ 2.29% વધીને 22,056 પર કારોબાર કરી રહ્યો છે.
• 22 એપ્રિલના રોજ, વિદેશી રોકાણકારો (FII) એ 1,290.43 કરોડ રૂપિયાના શેર ખરીદ્યા. જ્યારે, ભારતીય સ્થાનિક રોકાણકારો (DII) એ 885.63 કરોડ રૂપિયાના નેટ શેર વેચ્યા.

અઠવાડિયાના બીજા ટ્રેડિંગ દિવસે એટલે કે મંગળવાર, 22 એપ્રિલે શેરબજારમાં તેજી જોવા મળી. સેન્સેક્સ 187 પોઈન્ટના વધારા સાથે 79,596 પર બંધ થયો. નિફ્ટી 42 પોઈન્ટ વધીને 24,167 પર બંધ થયો.

સેન્સેક્સના 30 શેરોમાંથી 14માં તેજી રહી હતી. ITC, HUL, M&M, HDFC બેંક અને Zomato ના શેર 2.50% વધીને બંધ થયા. ઇન્ડસઇન્ડ બેંકના શેર 4.73% ઘટ્યા. તેમજ, પાવર ગ્રીડ, એરટેલ, ઇન્ફોસિસ, બજાજ ફિનસર્વ અને અદાણી પોર્ટ્સના શેરમાં 2.3% સુધીનો ઘટાડો થયો.

નિફ્ટીના 50 શેરોમાંથી 31 શેર ઘટીને બંધ થયા. જોકે, NSE સેક્ટોરલ ઈન઼્ડેક્સમાં, રિયલ્ટી 2.42%, FMCG 1.89%, કન્ઝ્યુમર ડ્યુરેબલ્સ 1.50%, નિફ્ટી હેલ્થકેર 0.80% અને પબ્લિક સેક્ટર બેંક 0.75%ની તેજી રહી હતી.