IPLની વર્તમાન સિઝનમાં સનરાઇઝર્સ હૈદરાબાદ પ્લેઓફની રેસમાં પાછળ છે. ટીમનો ગુજરાત ટાઇટન્સ સામે 38 રનના માર્જિનથી પરાજય થયો. હૈદરાબાદ 10માંથી 7 મેચ હારી ગયું છે, જ્યારે ગુજરાતે સીઝનમાં તેની 7મી જીત નોંધાવી છે.

હૈદરાબાદે નરેન્દ્ર મોદી સ્ટેડિયમમાં બોલિંગ કરવાનું પસંદ કર્યું. ગુજરાત ટાઇટન્સે 20 ઓવરમાં 6 વિકેટે 224 રન બનાવ્યા. જવાબમાં હૈદરાબાદ 20 ઓવરમાં 6 વિકેટે માત્ર 186 રન જ બનાવી શક્યું.

ગુજરાતના કેપ્ટન શુભમન ગિલે 76 રન બનાવ્યા. જ્યારે જોસ બટલર 64 રન બનાવીને આઉટ થયો હતો. સાઈ સુદર્શને 48 રનની ઇનિંગ રમી. SRH માટે જયદેવ ઉનડકટે 3 વિકેટ લીધી હતી. હૈદરાબાદ તરફથી અભિષેક શર્માએ 74 રન, હેનરિક ક્લાસેને 23 રન બનાવ્યા. GT માટે મોહમ્મદ સિરાજ અને પ્રસિદ્ધ ક્રિષ્નાએ બે-બે વિકેટ લીધી.