આજે, ગુરુવાર, 10 જુલાઈ, અઠવાડિયાના ચોથા ટ્રેડિંગ દિવસે, સેન્સેક્સ લગભગ 346 પોઈન્ટ ઘટીને 83,190ની સપાટીએ બંધ થયો. બીજી તરફ, નિફ્ટી લગભગ 121 પોઈન્ટ ઘટીને 25,355 પર બંધ થયો.

સેન્સેક્સના 30 શેરોમાંથી 22 શેરમાં ઘટાડો 8 શેરમાં તેજી રહી. BEL, એરટેલ અને એશિયન પેન્ટ્સના શેરોમાં 2.6%નો ઘટાડો રહ્યો. મારૂતિ, ટાટા સ્ટીલ અને બજાજ ફાઈનાન્સના શેર 1.3% વધીને બંધ થયા.

નિફ્ટીના 50 શેરોમાંથી 32 શેરમાં તેજી અને 38 શેરમાં ઘટાડો રહ્યો. NSEના બેંકિંગ, IT, FMCG અને હેલ્થકેર સેક્ટરમાં 1% સુધીનો ઘટાડો થયો હતો. મેટલ, રિયલ્ટી અને કન્ઝ્યુમર ડ્યુરેબલ્સ શેરોમાં વધારા સાથે બંધ થયા હતા.

• એશિયન બજારોમાં, જાપાનનો નિક્કેઈ 0.56% ઘટીને 39,600 પર અને કોરિયાનો કોસ્પી 0.72% વધીને 3,156 પર ટ્રેડ કરી રહ્યો છે.
• હોંગકોંગનો હેંગ સેંગ ઇન્ડેક્સ 0.028% વધીને 23,899 પર અને ચીનનો શાંઘાઈ કમ્પોઝિટ 0.25% વધીને 3,502 પર કારોબાર કરી રહ્યો છે.
• 9 જુલાઈના રોજ, અમેરિકાનો ડાઉ જોન્સ 0.49% વધીને 44,458 પર બંધ થયો. આ દરમિયાન, નેસ્ડેક કમ્પોઝિટ 0.94% વધીને 20,611 પર અને S&P 500 0.61% વધીને 6,263 પર બંધ થયો.
• 9 જુલાઈના રોજ, વિદેશી રોકાણકારો (FII) એ રોકડ સેગમેન્ટમાં રૂ. 77.00 કરોડના શેર ખરીદ્યા હતા અને સ્થાનિક રોકાણકારો (DII) એ રૂ. 920.83 કરોડના શેર ખરીદ્યા હતા.
• જૂન મહિનામાં, વિદેશી રોકાણકારો દ્વારા નેટ ખરીદી રૂ. 7,488.98 કરોડની રહી હતી. તેમજ, સ્થાનિક રોકાણકારોએ પણ મહિનામાં ₹72,673.91 કરોડની નેટ ખરીદી કરી હતી.
• મે મહિનામાં, વિદેશી રોકાણકારો દ્વારા નેટ ખરીદી રૂ. 11,773.25 કરોડની રહી હતી. તેમજ, સ્થાનિક રોકાણકારોએ પણ મહિનામાં ₹67,642.34 કરોડની નેટ ખરીદી કરી હતી.

સપ્તાહના ત્રીજા કારોબારી દિવસે, બુધવાર, 9 જુલાઈ, સેન્સેક્સ 176 પોઈન્ટ ઘટીને 83,536 પર બંધ થયો. નિફ્ટી પણ 46 પોઈન્ટ ઘટીને 25,476 પર બંધ થયો.

સેન્સેક્સના 30 શેરોમાંથી 17 શેરોમાં ઘટાડો થયો અને 13 શેરોમાં વધારો થયો. ટાટા સ્ટીલ, એચસીએલ ટેક, ટેક મહિન્દ્રા અને રિલાયન્સ ૨% ઘટીને બંધ થયા. બજાજ ફાઇનાન્સ, અલ્ટ્રાટેક સિમેન્ટ અને એચયુએલ 1.5% વધીને બંધ થયા.

નિફ્ટીના 50 શેરોમાંથી 29 શેર ઘટીને બંધ થયા અને 21 શેરો વધીને બંધ થયા. NSEનો મેટલ ઇન્ડેક્સ 1.40%, રિયલ્ટી 1.49%, ઓઇલ અને ગેસ 1.25% અને આઇટી 0.78% ઘટીને બંધ થયો. ઓટો, એફએમસીજી, ફાર્મા અને કન્ઝ્યુમર ડ્યુરેબલ્સ ઘટ્યા.