ડિજિટલ પેમેન્ટ જાયન્ટ ફોન-પે (PhonePe) એ તેના યુઝર્સ માટે એક ખાસ ફીચર લોન્ચ કર્યું છે. હવે યુપીઆઈ (UPI) ટ્રાન્ઝેક્શન કરવા માટે વારંવાર 4 કે 6 અંકનો પિન (PIN) દાખલ કરવાની જરૂર નહીં પડે. યુઝર્સ તેમના સ્માર્ટફોનના બાયોમેટ્રિક ઓથેન્ટિકેશન એટલે કે ફિંગરપ્રિન્ટ અથવા ફેસ આઈડીનો ઉપયોગ કરીને સીધા જ ચુકવણી કરી શકશે.

ફોન-પે એ જણાવ્યું કે આ ફીચરનો હેતુ પેમેન્ટને પહેલા કરતા વધુ સુરક્ષિત અને સરળ બનાવવાનો છે. હાલમાં આ સુવિધા એન્ડ્રોઇડ યુઝર્સ માટે શરૂ કરવામાં આવી છે, જેને ટૂંક સમયમાં આઇફોન (iOS) યુઝર્સ માટે પણ રોલઆઉટ કરવામાં આવશે.

ફોન-પે અનુસાર, ઘણીવાર ભીડવાળી જગ્યાઓ પર પેમેન્ટ કરતી વખતે ‘શોલ્ડર સર્ફિંગ’ (પાછળથી કોઈનો પિન જોઈ લેવો) નો ખતરો રહેતો હતો. બાયોમેટ્રિક ઓથેન્ટિકેશનથી આ જોખમ સંપૂર્ણપણે સમાપ્ત થઈ જશે. આ ઉપરાંત, ઘણીવાર યુઝર્સ પોતાનો યુપીઆઈ પિન ભૂલી જાય છે અથવા ખોટો ટાઈપ કરી દે છે, જેના કારણે ટ્રાન્ઝેક્શન નિષ્ફળ જાય છે.

કંપનીએ આ ‘વન-ટચ’ પેમેન્ટ મેથડ માટે એક મર્યાદા નક્કી કરી છે. યુઝર્સ બાયોમેટ્રિક દ્વારા ₹5,000 સુધીના ટ્રાન્ઝેક્શન કરી શકશે. સુરક્ષાને ધ્યાનમાં રાખીને, જો ચુકવણીની રકમ ₹5,000 થી વધુ હોય, તો સિસ્ટમ પહેલાની જેમ જ UPI પિન માંગશે.

સ્ટેપ-બાય-સ્ટેપ પ્રક્રિયા:

જો તમે PhonePe યુઝર છો, તો આ 5 સરળ સ્ટેપ્સમાં આ ફીચર શરૂ કરી શકો છો:

સ્ટેપ 1: સૌ પ્રથમ તમારા ફોનમાં PhonePe એપ ઓપન કરો.

સ્ટેપ 2: ઉપર ડાબી બાજુએ તમારા ‘પ્રોફાઇલ’ (Profile) ફોટો પર ક્લિક કરો.

સ્ટેપ 3: નીચેની તરફ ‘પેમેન્ટ સેટિંગ’માં જઈને ‘Manage Payments’ પર ટેપ કરો.

સ્ટેપ 4: અહીં તમને ‘Biometric Pay’નું આઇકન દેખાશે, તેના પર ક્લિક કરો.

પગલું 5: જે બેંક ખાતા માટે આ સુવિધા જોઈતી હોય, તેને પસંદ કરો અને બાયોમેટ્રિક સક્ષમ કરો.

પગલું 6: સેટઅપ પૂર્ણ કરવા માટે એકવાર તમારો યુપીઆઈ પિન દાખલ કરો અને બાયોમેટ્રિકનો ઉપયોગ કરીને પુષ્ટિ કરો.