આજ સેન્સેક્સ લગભગ 1636 પોઈન્ટ (2.22%)ના ઘટાડા સાથે 71,948 પર બંધ થયો. જ્યારે નિફ્ટીમાં પણ 488 પોઈન્ટ (2.14%)નો ઘટાડો રહ્યો, તે 22,331ના સ્તરે બંધ થયો. આજે બેન્કિંગ, રિયલ્ટી અને ઓટો શેરોમાં વધુ વેચવાલી જોવા મળી.

• અમેરિકા-ઇઝરાયલ અને ઇરાન યુદ્ધથી સપ્લાય ચેઇન ખોરવાઈ ગઈ છે.
• ક્રૂડ ઓઇલના ભાવ વધીને 116 ડોલર પ્રતિ બેરલ પર પહોંચી ગયા છે.
• અમેરિકા અને એશિયન બજારોમાં ઘટાડાની અસર ભારત પર.
• જાપાનનો નિકેઈ ઇન્ડેક્સ 3.60% ઘટીને 51,433 ના સ્તરે ટ્રેડ કરી રહ્યો છે.
• સાઉથ કોરિયાનો કોસ્પી ઇન્ડેક્સ 2.60% ઘટીને 5,296 પર ટ્રેડ કરી રહ્યો છે.
• હોંગકોંગનો હેંગસેંગ ઇન્ડેક્સ 1% વધીને 24,713 પર ટ્રેડ કરી રહ્યો છે.
• ચીનનો શાંઘાઈ કમ્પોઝિટ ઇન્ડેક્સ 3,922 પર ફ્લેટ ટ્રેડ કરી રહ્યો છે.
• ડાઉ જોન્સ 793 પોઈન્ટ (1.73%) ઘટીને 45,166 ના સ્તરે બંધ થયો.
• ટેક આધારિત ઇન્ડેક્સ નાસ્ડેક કમ્પોઝિટ 2.15% ઘટીને 20,948 પર બંધ થયો.
• S&P 500 ઇન્ડેક્સ 108 પોઈન્ટ (1.67%) ઘટીને 6,368 પર બંધ થયો.

આજે ક્રૂડ ઓઇલના ભાવમાં 2% નો વધારો થયો છે, તે વધીને 116 ડોલર પ્રતિ બેરલ પર પહોંચી ગયું છે. 28 ફેબ્રુઆરીએ ઇરાન યુદ્ધ શરૂ થતા પહેલા ક્રૂડ ઓઇલના ભાવ 70 ડોલર પ્રતિ બેરલની આસપાસ હતા.

આ પહેલા શુક્રવારે એટલે કે 27 માર્ચે શેરબજારમાં ઘટાડો જોવા મળ્યો હતો. સેન્સેક્સ 1690 પોઈન્ટ (2.25%) ના ઘટાડા સાથે 73,583 પર બંધ થયો હતો. જ્યારે નિફ્ટીમાં પણ 486 પોઈન્ટ (2.09%) નો ઘટાડો જોવા મળ્યો હતો, તે 22,820 પર બંધ થયો હતો.