શેરબજારમાં આજે તેજી જોવા મળી. સેન્સેક્સ લગભગ 443 પોઈન્ટ ઉપર 76,922 ના સ્તરે બંધ થયો. જ્યારે નિફ્ટીમાં પણ લગભગ 140 પોઈન્ટનો વધારો જોવા મળ્યો. તે 24,005 ના સ્તરે બંધ થયો. રિયલ્ટી, FMCG અને મીડિયા શેરોમાં સૌથી વધુ ખરીદી જોવા મળી.

અદ્વૈત જ્વેલ્સના શેરોની આજે શેરબજારમાં સારી એન્ટ્રી થઈ. NSE પર કંપનીનો શેર 188.90 રૂપિયા પર લિસ્ટ થયો. આ તેના 138 રૂપિયાના ઇશ્યૂ પ્રાઇસ કરતાં 36.88% વધુ છે. જ્યારે, BSE પર તેની શરૂઆત 187 રૂપિયા પર થઈ, જે IPO પ્રાઇસ કરતાં 35.51% ઉપર છે.

શેરબજારમાં ગઈકાલે એટલે કે 30 જૂને ઘટાડો જોવા મળ્યો હતો. સેન્સેક્સ 250 પોઈન્ટના ઘટાડા સાથે 76,479 પર બંધ થયો હતો. જ્યારે નિફ્ટીમાં પણ 81 પોઈન્ટનો ઘટાડો જોવા મળ્યો હતો. તે 23,866 પર બંધ થયો હતો.