PM મોદીએ રવિવારે સાંજે 7 વાગ્યાની આસપાસ ઇન્સ્ટાગ્રામ પર એક વીડિયો શેર કર્યો. મોદીએ કહ્યું- મિત્રો, વિદ્યાર્થીઓના ભવિષ્ય માટે સરકાર સતત પગલાં લઈ રહી છે. જે લોકોએ વિદ્યાર્થીઓના ભવિષ્ય સાથે ચેડાં કર્યા, તેઓ જેલોમાં સડી રહ્યા છે.

અમે ફાસ્ટ ટ્રેક કોર્ટ બનાવી દીધા છે. અમે કાલે સંસદમાં કઠોર સજા સાથે જોગવાઈઓ લાવી રહ્યા છીએ. પરંતુ આપણે ભવિષ્ય વિશે પણ વિચારવું પડશે. આપણી પરીક્ષા પ્રણાલી વિશ્વસનીય બને, તેમાં સૌથી વધુ ટેકનોલોજીનો ઉપયોગ થાય.

નંદન નિલેકણીજીના નેતૃત્વમાં એક હાઈપાવર ટાસ્ક ફોર્સ બનાવવાનો નિર્ણય લેવામાં આવ્યો છે. જે પરીક્ષા સુધારણા તરફ ધ્યાન કેન્દ્રિત કરશે.

 

6 સભ્યોની ટાસ્ક ફોર્સ, ઇસરોના પૂર્વ અધ્યક્ષ પણ સામેલ

• નંદન નીલેકણી- ટેકનોલોજી એક્સપર્ટ અને ઇન્ફોસિસના સહ-સ્થાપક
• ડો. એસ. સોમનાથ- ઇસરોના પૂર્વ અધ્યક્ષ
• તપન ડેકા- ઇન્ટેલિજન્સ બ્યુરો (IB) ના પૂર્વ ડાયરેક્ટર
• વી. કામકોટી- IIT મદ્રાસના ડાયરેક્ટર
• અનિતા કરવાલ- શિક્ષણ મંત્રાલયના પૂર્વ સચિવ
• અમૃત લાલ મીણા- લોજિસ્ટિક્સ એક્સપર્ટ

તેમણે એમ પણ કહ્યું- અમે આટલાથી સંતોષ માનનારા નથી. તેથી, ફાસ્ટ ટ્રેક કોર્ટ બનાવવાનો નિર્દેશ આપ્યો છે. આ આખો મામલો 3 મેના રોજ થયેલા NEET UG પેપર લીક સાથે જોડાયેલો છે.

PM મોદીએ શુક્રવારે રાત્રે વીડિયો જાહેર કરીને કહ્યું- થેન્ક યુ ફ્રેન્ડ્સ! ગઈકાલે (ગુરુવારે) મોડી રાત્રે તમને મળવાનો મોકો મળ્યો. મેં જે વીડિયો પોસ્ટ કર્યો હતો, તેને તમે જે રીતે પ્રતિસાદ આપ્યો અને સકારાત્મક સૂચનો આપ્યા, તે બદલ સૌનો આભાર. જો તમારો આ પ્રેમ જળવાઈ રહેશે તો આપણો સંબંધ વધુ સક્રિયતાથી જોડાતો રહેશે. થેન્ક યુ, થેન્ક યુ દોસ્તો.

ધર્મેન્દ્ર પ્રધાનના રાજીનામા અને કોકરોચ પાર્ટીના આંદોલન સમાપ્ત થયા પછી, સોમવારે સંસદમાં પેપર લીક સંબંધિત બિલ રજૂ કરવામાં આવશે. આ બિલનું નામ ‘જાહેર પરીક્ષા (અયોગ્ય સાધનોની રોકથામ) સુધારા વિધેયક, 2026’ છે. કેન્દ્રીય મંત્રી જિતેન્દ્ર સિંહ લોકસભામાં બિલ રજૂ કરશે.

આ બિલ દ્વારા 2024માં બનેલા કાયદામાં ફેરફાર કરવામાં આવશે. આરોપીઓ સામે કડક સજા અને ભારે દંડની જોગવાઈ હશે. રાજ્ય સરકારો અને કેન્દ્રશાસિત પ્રદેશો વિશેષ ફાસ્ટ ટ્રેક કોર્ટ બનાવી શકશે. આ અદાલતોમાં રોજ સુનાવણી થશે.